Dosja e SPAK-ut tregon se Artur Hoxhosmani, i njohur si Turi i Burrelit, kishte rol kryesor në trafikun e kokainës nga Kolumbia në Evropë. Ai rezulton bashkëpuntori kryesor i Plaurent Dervishajt dhe i Ermir Ndreajt. Por, komunikimet e Turit të Burrelit me persona të paidentifikuar dhe të identifikuar, në pah del edhe edhe babai i Arturit, Shefqet Hoxhosmani, i cili rezulton se blinte prona në Tiranë dhe Durrës me para që dyshohet që ia dërgon djemtë nga Anglia dhe Dubai, produkt të trafikut të kokainës.
Gjatë komunikimeve, Artur Hoxhosmani ia besonte babait të tij, Shefqetit, lëvizjet në Shqipëri, duke blerë pasuri të paluajtshme. Madje, në vitin 2020, Artur Hoxhosmani i tregon një të afërmi të tij se policia kishte ndaluar Shefqet Hoxhosmani me Range Rover tek Ura e Dajlanit dhe e kishin mbajtur 4 orë në komisariat.
Shefqet Hoxhosmani nuk është emër i lakuar në media, por është një emër i njohur për drejtësinë. Në 17 shtator të vitit 2005, Shefqet Hoxhosmani ka vrarë me armë zjarri automatik shtetasin Fation Kuka, një i ri paqësor. Hoxhosmani ka qëlluar për të vrarë shtetasin Dritan Ramsaliun në hyrje të tregut të Burrelit, por një plumb ka kapur të riun Fation Kuka, i cili po kalonte rastësisht në rrugë, duke humbur jetën.
Edhe pse Shefqet Hoxhosmani ka pretenduar se vrasja ka qenë nga pakujdesia, gjykatat e kanë dënuar me 20 vite burg, pasi ka qëlluar drejt sheshit para tregut të Burrelit, ku ndodheshin shumë qytetarë, mes të cilëve edhe personat që i kishin dëmtuar pronën Hoxhosmanit, pasi djemtë e tij ishin zënë me vëllain e Dritan Ramsaliut, ku më pas ky i fundit kishte shkuar për t’i gjetur në dyqan, dhe në mungesë të tyre kishte thyer çdo gjë në dyqan me sende të forta.
/prapaskena/
Discussion about this post