Dosja “Babale”, Gjykata shtyn përsëri seancën për Ervin Salianjin

Gjyqi në gjykatën e Apelit për deputetin e PD Ervin Salianji për dosjen ‘Babale’ është shtyrë përsëri.

Avokati Ledio Braho ka bërë një kërkesë që seanca të shtyhet, kërkesë e cila është marrë në konsideratë.

“Nuk mund të jem i pranishëm për arsye shëndetësore”, thuhet në kërkesën e avokatit.

Në këto kushte prokurori i çështjes ka kërkuar që të caktohet datë tjetër.

‘Caktoni datë tjetër, s’mund të bëhet seanca!’- tha prokurori.

Ndërkohë që avokati i Geron Xhafajt i dënuar në Itali për trafik narkotikësh, vëllait të ish-ministrit Fatmir Xhafaj, u shpreh se mungesa e Salianjit është e qëllimtë, duke kërkuar të caktohet një avokat kryesisht dhe të vijoje seanca, por një gjë e tillë nuk është pranuar nga ana e gjykatës.

Gjykata vendosi ta shtyjë seancën ndaj Ervin Salianjit për në 8 maj 2024, ora 10.00