Zbardhen detaje nga dosja që SPAK ka dorëzuar në Kuvend ku kërkohet autorizim për arrestimin e deputetit Arben Ahmetaj.
Sipas News24, Ahmetaj dyshohet se ka përfituar mbi 34 mijë euro në formën e shpenzimeve për udhëtime. Sipas SPAk kjo shumë shtë paguar nga Mirel Mërtiri dhe Klodian Zoto.
Në dosjen e SPAK rezulton se Ahmetaj në të paktën 6 raste dyshohet se ka konsumuar veprat penale për pastrim parash dhe fshehje pasurie.
Ndërkohë në dosje thuhet se Ahmetaj ka përfituar në mënyrë të tërthortë shuma monetare apo objekte, që rezultojnë të paguara nga Klodian Zoto dhe Mirel Mërtiri, dy prej personazheve kryesore të skemës së incenretarorëve, të cilët janë shpallur në kërkim ndërkombëtar nga SPAK.
Sipas dosjes së SPAK, Ahmetaj ka përfituar në mënyrë të tërthortë mbi 170 mijë euro që janë paguar nga Zoto e Mertiri.
Gjithashtu është përfituar një shumë prej 130 mijë euro në formën e pagesës për një shitje në 2017-2018 dhe 140 mijë euro në formën e pagesës për një shitje në 2018
Mbi 170 mijë euro pasuri, në emrat e shtetasve A.B dhe H.B, janë paguar në mënyrë të tërthortë nga Klodian Zoto dhe Mirel Mërtiri, dhe dyshohet se janë përfitime për ish-zv.Kryeministrin Arben Ahmetaj.
“Ka marrë drejtpërdrejtë ose tërthorazi, përfitim të parregullt, për vete ose persona të tjerë, konkretisht shumën 170480 euro në vitin 2016 dhe 2017, duke u mbuluar natyra e vërtetë e burimit dhe duke e paraqitur si pagesë e bërë të një shtetasi tjetër dhe Arben Ahmetajt, përkundrejt një ‘shitje’ ndaj një shtetasi., të dy apartamenteve me sipërfaqe 124.15 metra katrorë dhe një me sipërfaqe 148.8 m katrorë në vendin e quajtur Selitë, vlerë kjo e paguar në mënyrë të tërthortë nga shtetasi Klodian Zoto dhe Mirel Mërtiri, nëpërmjet shtetasve të tjerë.
Truall+ndërtesë në Hamallaj, e përfituar në vitin 2017, nga shtetasit Klodian Zoto dhe Mirel Mërtiri në mënyrë të tërthortë ndërmjet transaksioneve të kalimit më parë të kësaj pasurie në emër të Zotos, në vijim në emër të një personi tjetër, e më pas në emër të bashkëjetueses së Ahmetajt. Shumën prej 130.000 eurove në vitin 2017 dhe 2018, duke mbuluar natyrën e vërtetë të burimit dhe duke u paraqitur si pagesë e bërë ndaj një personi dhe ndaj Arben Ahmetajt, përkundrejt një shitje ndaj një tjetër personi, të një apartamenti dhe një garazhi.”, thuhet në dosjen hetimore, detaje të së cilës u publikuan nga News24.
6 rastet, që sipas SPAK, Ahmetaj ka përfituar
Rasti i parë ka të bëjë me një shumë prej 170 480 euro, në vitet 2016-2017, duke u paraqitur si pagesa të bëra nga Arben Ahmetaj nga një tjetër person për dy apartamente 124 dhe 148 metër katrorë në Selitë. Kjo shumë parash sipas SPAK është paguar në mënyrë të tërthorë nga Zoto e Mërtiri.
Rasti i dytë ka të bëjë me pasurinë vilë me sipërfaqe 98 m2 në Hamallaj dhe 521 m2 sipërfaqe truall. Është pikërisht vila në të cilën është përfitues Ahmetaj dhe është në pronësinë e bashkëjetueses së tij Erjola Hoxha.
Rasti i tretë ka të bëjë me një shumë prej 130 mijë euro, e cila në vitin 2017 dhe 2018, duke u mbuluar natyra e vërtetë e burimit është paraqitur si pagesë e bërë për llogari të ish-bashkëshortes së Ahmetajt, Albina Maçka dhe bëhet fjalë për shitjen e apartamentit me sipërfaqe 178 m2 në zonën e Selitës. Edhe kjo shifër dyshohet se është paguar nga Zoto e Mërtiri.
Rasti i katërt ka të bëjë me shumën prej 140 mijë euro, e cila në vitin 2018. Bëhet fjalë për një apartament tjetër në zonën e Selitës me sipërfaqe 178 m2.
Rasti i pestë ka të bëjë me shumën prej gati 34 mijë euro, e financuar nga biznesmenët e inceneratorët që është përfituar gjatë viteve 2013-2017.
Rasti i gjashtë lidhet me shumën prej 2 milionë lekë, e përfituar në vitet 2019 dhe 2020 në format e pagesave të bëra nga Klodian Zoto e Mirel Mërtiri, përmes shoqërisë të inceneratorit “Integrated Technology Services
Discussion about this post