Elton Qyno
Vrasja e 19-vjeçarit Erjon Xhenjo në Shkodër, dyshohet se është kryer nga një grup prej 6 personazh dhe jo dy vetë, siç përshkruhet në pamjet filmike të sekuestruara nga hetuesit.
Në dokumentacionin e siguruar rezulton se dy persona janë afruar në lolalin ku i riu po ndiqte ndeshjen e futbollit, Vllaznia-Kastrioti.
Por realisht sipas policisë, në këtë vrasje kanë marë pjesë 6 shtetas, të cilët kanë pasur role te ndryshme nga njëri-tjetri.
Në këtë vrasje sipas grupit hetimor kanë marë pjesë, Irsad Huti, Abedin Bajraktari, Indrit Balla, Ditmir Ballad he Xhersido Cafi.
Asnjëri prej këtyre personave nuk është gjendur në banesën e tyre, kur policia ka ushtruar kontroll.
Në rrugë operative, policia tregon se vrasja e adoleshentit me 8 plumba pistolete “TT”, është kryer për motive hakmarje.
Në materialin hetimor evidentohet fakti se personi, që ka qëlluar është Bajram Çekorja, djali i Ismet Çekorjes, i vrarë mesditën e 2 shtatorit 2022 në lagjen e tij “Kiras”.
Viktima Erjon Xhenje, është djali i xhaxhait të Shkëlzen Xhenjes, i cili është shpallur në kërkim së bashku me Astmer Bilalin për vrasjen e Ismet Çekorjas.
Djali i këtij të fundit, Bajrami, mbrëmjen e 25 Gushtit në Shkodër është shpallur në kërkim pasi së bashku me Tornado Fushën, kanë tentuar të vrasin Alban Bruçin.
Policia thotë se nga arratia Bajrami, ka organizuar sulmin me armë duke vrarë 19-vjeçarin, Erjon Xhenjo.
I riu është qëlluar nga një distancë 1 metër largësi, ku vetëm një person ka shkrepur armën plot 8 herë.
Autori ka zbrazur të gjithë plumbat, pasi arma e gjetur jo shumë larg vendit të krimit, u gjend pa fishekë dhe me shulin e nxjerë.
Dy personat që janë afruar me motor pranë lokalit, dallohen qartazi në pamjet filmike, por vetëm njëri prej tyre qëndroi mbi motor ndërsa tjetri hyri në lokal dhe qëlloi mes shumë personave 19-vjeçarin Erjon Xhenje.
Sipas dëshmitarëve, ky i fundit fillimisht është qëlluar pas shpine dhe më pas në pjesë të ndryshme.
Viktima s’ka mundur të bëjë asnjë reagim, por ka mbetur i pajetë i ulur në karrige.
Dy autorët dyshohet se kanë marë informacionin mbi lëvizjet e viktimës, ndaj janë afruar me shpejtësi për të bërë vrasjen.
Ata janë larguar në drejtim të lagjes “Guerrile”, ku kanë djegur motorin dhe armën e krimit e kanë hedhur në tokë, e cila s’ka pësuar asnjë dëmtim.
Policia dhe prokuroria kanë shpresë për gjetjen e gjurmëve të gishtit.
Njëri nga dëshmitarët J.S, që kanë qënë shumë afër me viktimën, i ka treguar policisë se:
”…më kajtohet se ka ardhur një motor në të cilin ishin dy persona të maskuar edhe me skafanda. Pasagjeri, që ka qënë mbrapa ishte me një armë në dorë që mesa më kujtohet, ishte pistolete edhe është ulur nga motorri. Personi tjetër, ka pritur në rrugë me motor ndezur. Ai që kishte armën pa folur asgjë, është afruar rreth një metër nga djali që ishte në tavolinën ngjitur edhe e ka qëlluar në drejtim të tij. Mu duk se gjuajtja e parë ka qenë në shpinë. Pastaj kam ulur kokën edhe më tej kam dalë me vrap në rrugë, e kam shku te hyrja e apartamentit tim dhe ika në shtëpi. Siç e theksova, të dy kokën e kanë patur të mbuluar me skafandër edhe me maskë të pjesa e fytyrës. Të veshur kanë qenë me rroba të errëta në sportive. Mendoj se të dy kanë qenë të gjatë rreth 185 cm…”.
Për këtë ngjarje, policia ka shpallur në kërkim Bajram Çekorjan, ndërsa personat e tjerë vijojnë të jenë në verifikim.
Discussion about this post