Gjykata e Posaçme ka pranuar kërkesën e SPAK, duke lënë në burg nën kryetarin e bashkisë së Lushnjes Gentian Nushin dhe drejtorin e Prokurimeve Publike Leonard Sefen, pas abuzimit me tenderat.
Dy zyrtarët e lartë u arrestuan këtë të hënë me urdhër të SPAK, pasi akuzohen për abuzime me procedurat e tenderit për kanalit të ujësjellësit, për të cilin në qeli qëndron edhe ish kryebashkuaku Fatos Tushe si dhe asfaltimin e një rruge. Sipas prokurorisë, në këtë procedurë prokurimi të zhvilluar nga Bashkia Lushnjë, në vitin 2020, janë zbuluar shkelje ligjore, të kryera nga Gentian Nushi me detyrë nën kryetar bashkie dhe Leonard Sefa, me detyrë Drejtor në Drejtorinë e Prokurimeve/Juridike.
Personat nën hetim, në bashkëpunim me Tushen kanë bërë të mundur që këtë procedurë prokurimi ta fitonte firma me dokumentacion firma EURO – ALB shpk, me përfaqësues B. M., duke krijuar avantazhe për këtë subjekt gjatë procedurës së prokurimit.
Gjithashtu, këta persona kanë kryer veprime të kundërligjshme edhe gjatë tri procedurave të tjera prokurimi. Në të gjitha këto procedura prokurimi është konstatuar se procedura e përpilimit/hedhjes së dokumenteve të këtyre tenderave dhe procedura e vlerësimit të ofertave është kryer nga personat nën hetim dhe jo nga anëtarët e NJP dhe KVO-së, duke kryer një procedurë fiktive, të organizuar dhe ekzekutuar nga këta dy persona.
Nushi dhe Sefen do qëndrojnë në burg të paktën deri në përfundim të hetimeve. Më herët, kryetari i Bashkisë së Lushnjës, Fatos Tushe është arrestuar nga policia, pasi akuzohet për “shpërdorim detyre në bashkëpunim”.
Discussion about this post