Gazetarja Klodiana Lala ka zbardhur detaje nga dosja në ngarkim t ëish-Kryebashkiakut të Kukësit Safet Gjici, ndaj të cilit GJKKO vendosi masën e sigurisë “arrest me burg” lidhur me video-skandalin filmuar në zyrën e tij në Bashkinë e Kukësit.
Në emisionin “Open”, Lala tha se SPAK ka dyshime të forta se Alma K. nuk ka vepruar e vetme në përgjimin e Gjicit, por është ndihmuar nga persona të tretë.
Lala ka sqaruar se mbetet për tu parë nëse bashkëpunëtorët e saj kanë qenë nga politika, kundërshtarët e Gjicit apo grupe kriminale.
“Prokuroria e Posaçme ka dyshime të forta se gruaja nuk ka vepruar e vetme pra ka patur bashkëpunëtorë për mënyrën e si është organizuar filmimi.
Bëhet fjalë për një gotë ku ishte vendosur kamera e sigurisë sepse çanta është mbajtur në paradhomë nga sekretarja e Gjicit.
Nga mënyra se si kontrollohet videoja nga telefoni dhe se si ajo largohet nga ambientet e bashkisë dhe si komunikon me nënkryetarin shtohen dyshimet për bashkëpunëtorë.
Mbetet për tu parë nëse janë kundërshtarë të Gjicit, palë të politikës, apo grupe kriminale. Kjo çështje besoj do zgjidhet për sa kohë është arritur të sekuestrohen pajisjet me të cilat është kryer përgjimi”, tha Lala.
Discussion about this post