Kreu i Grupit Parlamentar të PS, Taulant Balla nga foltorja e Kuvendit ka komentuar “Dosjen I.M”, e zbuluar pak ditë më parë nga Autoriteti i Dosjeve ku theksohej se një politikan i nivelit të lartë ka bashkëpunuar me ish-Sigurimin e Shtetit. Balla tha se kjo shkresë meriton të shoqërohet nga debat dhe reflektim serioz. Më tej, Balla theksoi se se autoriteti i dosjeve duhet të verifikojë dosjet e të gjithë politikanëve.
“Nuk ka pasur ndonjëherë debat në këtë pikë. Çështja e një shkrese të ardhur nga Autoriteti i Dosjeve nuk është procedurë, por e meriton sa më shpejt të mundemi që të kemi debat dhe reflektim serioz. Kërkon reflektim serioz që edhe fakti që një sekretar partie e përdhos këtë Kuvend me praninë dhe gjuhën e tij.
Tani na doli se Zonja Sula është patronazhiste, se bën detyrën e saj me dinjitet. Na doli patronazhist, dhe dy zotërinj, zoti Marku dhe Vrioni. Ky është turp i madh, nëse ka ngelur më PD duhet të shohë dhe duhet të flasë, e njëjta linjë sikur u sulmua departamenti amerik i shtetit. Duhet t’i japim drejtim cështjeve, autoriteti i dosjeve duhet të rishikojë të gjithë dosjet e politikanëve. Unë shpresoj se dhe PD, nëse doni merrni iniciativën, ne do t’i mbështesim.”-tha Balla.
Discussion about this post