Në listën e kriminelëve që përfituan nga mashtrimi në burgun e Fierit, është edhe Altin Dhamo. 43-vjeçari ishte dënuar me burgim të përjetshëm nga Gjykata e Trikalonit për veprat penale “Vrasje me dashje”, Vjedhje me dhunë” e kryer në bashkëpunim, e mbetur në tentativë, “Vjedhje e kryer në bashkëpunim”, “Armëmbajtje pa leje”, të parashikuara nga Kodi Penal Grek dhe e ka dënuar atë me burgim të përjetshëm.
Dosja hetimore
Në dosjen penale të dënuarit Altin Dhamo, ka rezultuar se:
Për këtë të dënuar nga ana jonë janë verifikuar 260 ditë pune në IEVP Fier, të shënuara në kartelat e punës, për periudhën Nëntor, Dhjetor 2019; Janar, Tetor, Nëntor, Dhjetor 2020 dhe Janar, Shkurt, Mars, Prill 2021.
Nga këqyrja në regjistrin e hyrje daljeve nr.320 prot datë 27.11.2018, i cili fillon me datën 14.09.2019 dhe përfundon me datë 29.04.2021, rezulton se për periudhën kohore Nëntor, Dhjetor 2019; Janar, Tetor, Nëntor, Dhjetor 2020 dhe Janar, Shkurt, Mars, Prill 2021, i dënuari Altin Dhamo, ka dalë në punë 23 ditë e konvertuar në ulje dënimi 3,45 ditë konkretisht;
Për muajn Nëntor 2019 ka dalë për punë në datat 23,26 dhe në kartelën e punës është e shënuar 26 ditë punë.
Për muajn Dhjetor 2019 ka dalë për punë në datat 3, 5, 12, 13 dhe në kartelën e punës është e shënuar 26 ditë punë.
Për muajn Janar 2020 ka dalë për punë në datat 15 dhe në kartelën e punës është e shënuar 26 ditë punë.
Për muajn Tetor 2020 ka dalë për punë në datat 15, 16, 23 dhe në kartelën e punës është e shënuar 26 ditë punë.
Për muajn Nëntor 2020 ka dalë për punë në datat 26 dhe në kartelën e punës është e shënuar 26 ditë punë.
Për muajn Dhjetor 2020 ka dalë për punë në datat 1, 7, 29 dhe në kartelën e punës është e shënuar 26 ditë punë.
Për muajn Janar 2021 ka dalë për punë në datat 2, 5, 6, 12, 13 dhe në kartelën e punës është e shënuar 26 ditë punë.
Për muajn Shkurt 2021 ka dalë për punë në datë 26 dhe në kartelën e punës është e shënuar 26 ditë punë.
Për muajn Mars 2021 ka dalë për punë në datë 11 dhe në kartelën e punës është e shënuar 26 ditë punë.
Për muajn Prill ka dalë për punë në datë 8 dhe në kartelën e punës është e shënuar 26 ditë punë.
Referuar Urdhërit nr.2259, datë 18.03.2008 të Drejtorit të Përgjithshëm të Burgjeve “Mbi punësimin e të dënuarve në burgje dhe paraburgime”. Komisioni i Punësimit i burgosurve ka në përbërje shefat e sektorit ligjor, social, shëndetësisë dhe sigurisë, të cilët ndjekin në dinamikë frekuentimin e procesit të punësimit nga i burgosuri.
Personat përgjegjës që nuk kanë verifikuar frekuentimin e punës nga të dënuarit janë Përgjegjësi i Sektorit të Burimeve Njerëzore Albi Rrezhda, Përgjegjësi i Sektorit të Çështjeve Shoqërore, Eris Isufaj, Përgjegjësi i Sektorit Ligjorë Ervis Alliaj, Gerald Noanaj, Shefi i Policisë Bashkim Meci, Fatos Lika, Përgjegjësi i Sektorit Shëndetësore Arbëri Gjermeni, Enflor Hoxha, Përgjegjësi i Sektorit të Financës Florida Mata
Personat përgjegjës të cilët kanë nënshkruar kartelat e punës janë, evidencieri, Ervis Alliaj, Gerald Nonaj miratuar nga Drejtori i IEVP
Si rezultat i falsifikimit të ditëve të punës nga IEVP Fier në kundërshtim me kriteret e saj i dënuari ka përfituar rreth 39 ditë ulje dënimi, nga veprime haptazi të kundra ligjshme kur realisht duhej të përfitonte 3,45 ditë ulje dënimi nga puna.
Discussion about this post