Kryeprokurori i Elbasanit, Kreshnik Ajazi ka mbërritur këtë të mërkurë në SPAK, ku ka zhvilluar një takim me prokurorët e posaçëm për dosjen e Elbasanit.
Burime jozyrtare konfirmojnë se pjesë e diskutimit të jenë procedurat e kalimit për kompetencë të dosjes së operacionin “Never Forget” nga Prokuroria e Elbasanit te SPAK-u.
Burime pohuan se Tafani ka rrëfyer dhe për trafik kokaine të cilin sipas tij, Laert Haxhiu e kryente në bashkëpunim me një grup kriminal në Fier dhe me një tjetër grup në Greqi.
Ngarkesat e kokainës kanë hyrë në Europë në kohë të ndryshme, ka rrëfyer Tafani dhe janë dërguar nga vende të Amerikës Latine me mbështetjen e një tjetër shqiptari që jeton në Greqi.
Pritet që drejtësia shqiptare të dërgojë letërporosi dhe të kryejë disa akt-ekspertiza për të provuar gjithçka thotë Tafani.
Midis tyre, thanë burimet, është edhe dëmtimi i njërit prej autorëve teksa largohej nga Tepelena pasi kryen një vrasje.
Discussion about this post