Zbardhet dosja e Prokurorisë në lidhje me 8 urdhër-arrestet e lëshuara sot në Elbasan për falsifikim të rezultatit të zgjedhjeve parlamentare të 25 prillit. Gjashtë prej tyre janë prangosur, ndërsa dy janë ende në kërkim.
Në pranga janë vënë shtetasit: Erald Karriqi, Ylli Kuka, Durim Alla, Erjon Dashi, Mili Vasku, Olgert Alla, ndërsa janë shpallur në kërkim shtetasit Oltion Bajrami dhe Eduart Zito. Mësohet se këta shtetas në bashkëpunim me njëri tjetrin kanë vjedhur votat e kandidatit të PD-së, Ardian Zeneli dhe ja kanë shtuar një tjetri, kandidatit, Lefter Gështenja, i cili fitoi mandatin e deputetit. Në dosje thuhet që u vodhën 38 vota nga kutia e votimit.
Sipas Prokurorisë, shtetasit e mësipërm dyshohet se, kanë kryer veprën penale të “Falsifikimi i materialit zgjedhor dhe rezultateve të zgjedhjeve”, në formën e kryer në bashkpunim.
]Prokuroria thotë se ata rrezikojnë nga 3 deri në 7 vite burg për ndryshimin e rezultateve të zgjedhjeve.
Discussion about this post