Dosja “Partizani”, Argita Malltezi paraqitet në SPAK

Argita Malltezi, vajza e ish-kryeministrit Sali Berisha, është paraqitur në SPAK mëngjesin e sotëm.

“Jam thirrur për çështjen 193/2024, pasi të jap dëshminë time do të jap një deklaratë”, tha ajo para se të hynte në Prokurorinë e Posaçme.

Më 19 tetor, ish-kryetarja e GJKKO, Irena Gjoka, i ka kërkuar SPAK që të hetojnë deklaratat e Argita Berishës e cila e akuzon gjyqtaren se është filmuar duke i kërkuar  500 mijë euro një ish-eksponenti të PS.

Gjyqtarja Gjoka kërkoi hetime të thelluara nga Prokuroria e Posaçme për këto akuza publike që vajza e ish-kryeministrit ka bërë ndaj saj.

Ajo u paraqit e vetme në Prokurorinë e Posaçme rreth orës 09:00 dhe pas komunikimit me gazetarët u fut brenda ambienteve të SPAK.

Kujtojmë që bashkëshorti i saj, Jamarbër Malltezi është nën masën e sigurisë “arrest shtëpie” për dosjen Partizani. Ndërsa ndaj babait të saj, Sali Berisha është caktuar masa detyrim paraqitje.