Është shtyrë sërish seanca për dosjen e Partizani, ku të pandehur është kreu i PD-së Sali Berisha, dhëndri i tij, Jamarbër Malltezi, biznesmeni Fatmir Bektashi, Xhimi Begeja dhe finacierja Andia Pustina.
Shkak është bërë mungesa e një prej avokatëve për arsye shëndetësore. Seanca ndodhet ende në fazë paraprake dhe pritet vendimi nëse dosja duhet të kalojë për gjykim.
Avokati i Berishës, Genc Gjokutaj tha se seanca e radhës është caktuar më 11 Prill në orën 09:30.
“Në këtë seancë ishin konstatimet e prokurorisë ndaj qëndrimit tonë. Ne e kemi shpreuhur që ditën e parë të këtij procedimi që në të gjithë hetimet paraprake mungon fakti penal”, tha Gjokutaj.
Berisha akuzohet për korrupsion pasiv, Malltezi e Bektashi për korrupsion dhe pastrim parash. Ndërsa dy të pandehurit e tjerë vetëm për pastrim parash.
Malltezi dhe Berisha i kanë mohuar akuzat duke i quajtur politike.
Discussion about this post