Një grup hetimor nga Holanda ka qenë i pranishëm këtë të martë në SPAK për ekzekutimin e një letër-porosie. Mësohet se, kemi të bëjmë me një dosje tepër sekrete e cila është drejt konkludimeve përfundimtare.
Prokurorët janë shoqëruar nga homologu i SPAK Ened Nakuçi, i cili është edhe prokurori i çështjes. SPAK është treguar mjaft i rezervuar lidhur me hetimet e kësaj dosjeje dhe për çfarë bëhet fjalë por ajo çka mësohet është fakti se autoritetet e dy vendeve prej kohësh kanë shkëmbyer informacione duke kryer hetime të përbashkëta në luftën kundër krimit të organizuar.
Bashkëpunimet me autoritetet e huaja kanë qenë të shpeshta gjatë këtij viti. Vetëm disa ditë më parë nga vendi ynë u larguan edhe prokurorët belgë, të cilët janë duke kryer hetime lidhur me çështjen e “Toyota Yaris”, ku u gjetën 3.4 mln euro dhe në pyetje u mor dhe Lulzim Basha.
Discussion about this post