Dosja ndaj ish-ministrit të Brendshëm, Saimir Tahiri është rikthyer në Gjykatën e Apelit të Posaçëm, pas marrjes së vendimit se kjo çështje do rigjykohet edhe njëherë nga togat e zeza të Apeli të Posaçëm.
Mësohet se, sot pritet që dosja të shortohet, e pasi të caktohen anëtarët që do shqyrtojnë çështjen, do vendoset edhe për datën se kur do zhvillohet seanca e parë ndaj Tahirit. Ish ministri u dënua me 5 vite burg nga Shkalla e Parë, vendim i cili u konvertua në 3 vite shërbim prove.
Ndërsa kujtojmë se Apeli e ktheu çështjen për rigjykim në shkallën e parë, me argumentin se kjo gjykatë kishte gabuar në rikualifikimin e akuzës nga “trafik i narkotikëve” në “shpërdorim detyre”.
Ishte ish ministri i brendshëm që bëri rekurs në Gjykatën e Lartë, kërkesë e cila u pranua pjesërisht duke e kthyer për rigjykim në Apel, por me trupë tjetër gjyqësore. Kujtojmë se disa javë më parë Gjykata e Lartë ktheu për rigjykim këtë çështje me argumentin se gjatë procesit të gjykimit janë kryer shkelje të rënda proceduriale.
Discussion about this post