Gazetari Elton Qyno thotë se çështja e Xibrakës ka pasur mangësi në hetime, pasi emri i Olsi Ramës nuk është përmendur.
Në një intervistë për Ora News, ai shtoi se janë edhe dy djem të ish-ministreve të PS-së të përfshirë, pasi kolumbianët e koakinës flinin në hotelet e djalit të një ish-ministri të PS-së, së asaj kohe.
“Çështja e Xibrakës ka pasur mangësi në hetime. Ka pasur një selektim të personave që nuk duhet të hetoheshin. Fakti që Olsi Rama doli me dokumente konkrete që ka pasure marrëdhënie miqësorë me këta persona që janë dënuar, është një fakt i ri që vjen me prova shkresore në dosje. Edhe aso kohe është përfolur për një gjë të tillë. Janë edhe dy djem të ish-ministreve të PS-së, sepse kolumbianët flinin në hotelet të djalit të një ish-ministri të PS-së”, tha ai.
“Aty ka pasur një shmangia nga policia ku thuhej se nuk identifikohej individi, ndërsa ai është fotografuar dhe dihet cili është. Policia ka identifikuar 3 nga personat që mbanin shoqëri me Olsi Ramën, por nuk e shënuan me emër si një person 45-vjeçar. Duhet filluar nga oficerët e policisë dhe më pas të shkohet deri lartë. Kjo është një çështje ku personat janë dënuar dhe janë liruar tashmë nga burgu dhe vijnë fakte të reja”, shtoi ai.
Kallëzimi në SPAK
Partia Demokratike ka depozituar këtë të premte në SPAK dokumentet e publikuara një ditë më parë për dosjen e kokainës në Xibrakës. Kreu i grupit parlamentar demokrat Gazment Bardhi konfirmoi depozitimin e të dhënave Pranë Prokurorisë së Posaçme bashkë me kërkesën për nisjen e hetimeve ndaj vëllait të kryeministrit Edi Rama. Të dhëna që sipas tij, “provojnë dyshimin e arsyeshëm për përfshirjen e vllait të Kryeministrit Olsi Rama, në organizatën kriminale të Laboratorit të Xibrakës”.
Një ditë më parë, Bardhi zbuloi nga selia blu dokumente të sistemit TIMS, që siç u shpreh, tregojnë se Olsi Rama dhe drejtuesit e grupit kriminal të kokainës kanë përdorur të njëjtin automjet, gjatë periudhës Prill – Dhjetor 2014. Bardhi tha se një procedim penal i ri nisi si derivat i dosjes së Xibrakës që kishte në qendër një person të pa identifikuar “i moshës 45 vjeç me flokë të shkurta” i cili sipas hetuesve, dyshohej se ishte pjesëtar i grupit që u godit nga autoritetet vendase pas sinjalizimeve nga homologët gjermanë. Ky person, deklaroi demokrati, është pikërisht Olsi Rama.
Discussion about this post