Hitler nuk ka kryer vetëvrasje në bunkerin e tij, ashtu si shkruhet në të gjitha librat e historisë, por ka mbijetuar ndaj luftës së dytë botërore dhe pas përfundimit të saj ka shkuart të jetojë në Amerikën e Jugut. Kështu rezulton nga një nga dosjet sekrete të CIA-s që ndodhen në Arkivat Kombëtare të Shteteve të Bashkuara të Amerikës. Ndër të tjera në mes të viteve ’50 ai është sinjalizuar në Kolumbi nga një informator i shërbimeve sekrete amerikane.
Lajmi u konfirmua nga një agjent i shërbimeve sekrete amerikane në Amerikën Jugore, me emrin e koduar “Cimleody-3”. Agjenti në fjalë është kontaktuar bga një mik i cili i ka thënë se në vitin 1955 një ish zyrtar gjerman, Phillip Citroen, kishte rrëfyer se Hitleri ishte ende gjallë. Në mbështetje të kësaj hipoteze ekziston dhe një fotografi, që mbërriti në duart e agjentit sekret dhe ndodhet në dosjen e publikuar.
Nëse materialet që ndodhen në dosje konfirmohen atëherë historia do të duhej rishkruar nga e para. Që nga përfundimi i luftës mendohet se Hitleri ka vdekur në bunkerin e tij së bashku me të dashurën Eva Braun, me të cilën u martua një ditë para se të kryente vetëvrasje. Për vite të tëra sovjetikët pretenduan se kishin eshtrat e Hitlerit. Në vitin 2009 një shkencëtar amerikan, Nick Bellantoni, kishte studiuar kafkën që rusët kishin në dorë dhe sipas tij bëhej fjalë për një grua të moshës nga 20 deri në 40 vjec, pra nuk ishte Hitleri.
