Askush nuk e priste që PSG-ja dhe aq me pak Borusia Dortmundi do të luftonin për një vend në finalen e madh të Champions-it gjatë nisjes së edicionit. Nëse i referohemi numrave, parizienët me ne krye Kilië Mbape do të përpiqen të thyejnë fortesën “Siganl Iduna Park”, teksa nuk kanë fituar dot në asnjë rast.
TË PATHYESHËM- Janë përballur në total Dortmundi dhe PSGja në 6 precedentë, (përshi edhe dy ndeshje në Europa Ligë, sezonin 2009-2010) ku dominojnë barazimet, tregues se gjithçka është e hapur edhe në planin historik. Janë gjithsej 3 barazime, ndërsa në 2 takime ka fituar ekipi francezë, kundrejt vetëm një suksesi të Dortmundit. Në strehën e verdhezinjëve, Kilië Mbape me shokë nuk e ka bërë kurrë ligjin në Gjermani, 0 fitore, por që mund të ndryshojë mbrëmjen e sotme.
FINALJA- Kanë kaluar 11 vite nga finalja e fundit që Borusia Dortmund ka arritur, e cila koçidon në etapën 2012-2013. Në atë cikël, drejtoheshin prej Jurgen Klop, ndërsa tani janë me një trajner më të ri dhe me eksperiencë ndjeshëm më të kufizuar, fjala është për Edin Terziç.
MBROJTJET E BRISHTA- Të dyja ekipet vijnë nga një fundjave për t’u harruar, ndonëse me perspektiva të ndryshme në ligat përkatëse. Parisi siguroj në divan titullin kampion në Francë, por u ndëshkua me 3 gola nga ekipi që është promovuar këtë vit në Ligë 1 (PSG-Le Havre 3- 3). Dortmundi nga krahu tjetër mori goditje të fortë ndaj Lajpcig. Të dyja ekipet luftojnë për zonën Champions, megjithatë “demat” fituan bindshëm me rezultatin 4-1. Tashmë Championsi i ka mbetur e vetmja rrugë për t’u prezantuar edhe edicionin e ardhshëm.
Discussion about this post