Agjencia Evropiane e Barnave ka njoftuar se doza e tretë e vaksinës Moderna mund t’iu jepet të gjithë personave mbi 18 vjeç, 6 muaj pasi kanë marrë dozën e dytë.
Kjo është vaksina e dytë përforcuese që miratohet në BE.
Sipas ekspertëve, dozë e tretë e vaksinës do të rrisë nivelin e antitrupave tek të rriturit.
Këtë muaj EMA miratoi dozën përforcuese edhe të vaksinave Pfizer/BioNTech. Rekomandohet që doza e tretë të aplikohet tek personat me sistem të dobësuar imunitar.
Ndërkohë autoritetet amerikane kanë autorizuar tashmë dozat përforcuese të vaksinave Pfizer/BioNTech, Moderna dhe Johnson&Johnson.
Do të jenë vetë banorët e vendeve evropiane ata të cilët do të vendosin nëse do të marrin dozën përforcuese apo jo.
