Doza e tretë e vaksinës për moshat mbi 60 vjeç dhe personat me sëmundje kronike është një mision i pamundur për këtë vit, përkundër rekomandimit nga studimi i Akademisë së Shkencave mbi imunizimin e popullatës i bërë publik një ditë më parë.
Kryetarja e Federatës së Mjekëve Shqiptarë në Europë, Dr. Aurora Dollenberg, thotë se ky diskutim është i vlefshëm vetëm për vendet që kanë vaksinuar 80% të popullatës me dy dozat e vaksinës dhe jo për Shqipërinë që është ende në nivelin e 20%.
Bluzat e bardha do të zhvillojnë një konferencë për mediat para Urgjencës Kombëtare. Mjekët do të flasin mbi pandeminë dhe mundësitë për rikthimin në normalitet.
