Drejtoria e Përgjithshme të Shërbimeve në Transportin Rrugor ka dalë sot me një paralajmërim të fortë për të gjithë shoferët që kanë makina me xham të zi. DPSHTRR bënë me dije se, nga verifikimi ka rezultuar se nga subjektet, për të njëjtin shërbim, janë lëshuar certifikata, të cilat kanë qenë afër afatit të përfundimit të vlefshmërisë, apo nuk kanë të pasqyruar siç duhet numrin e certifikimit sipas trupës akredituese që e ka lëshuar.
Sakaq, iu bënë thirrje të gjithë atyre që nuk kanë bërë regjistrimin e makinave për xhama të zinj, apo kanë mungesë dokumentacionesh që të nxitojnë se kanë afat deri në fund të këtij viti, më pas do të aplikohen gjoba ose do t’iu bllokohet mjeti. “Mosrespektimi i këtij afati, sjell heqjen nga lista e subjekteve të licencuara që ofrojnë shërbimin e errësimit të xhamave të autoveturave. Gjithashtu, është e rëndësishme që kjo certifikatë të përkojë me markën e filmit të deklaruar nga subjekti”, thuhet në njoftim. Sakaq, bëhet me dije se do të ketë rritje të nivelit të gjobës për thyerjen e këtij rregulli.
Discussion about this post