Drejtoria e Përgjithshme e Shërbimeve të Transportit Rrugor, ka publikuar së fundmi një njoftim ku bëhet me dije se do të ketë targa të reja për mjetet të cilat qarkullojnë në territorin shqiptar. Kështu, duke nisur nga sot të gjithë shqiptarët do të kenë mundësinë që të porosisin targat e tyre të personalizuara, me emrat e tyre.
Modeli që shumë shqiptarë kanë ndjekur në vende të ndryshme të botës, kryesisht në Londër, kur kemi parë mjaft raste të personalizimit të targave të automjeteve të tyre, tashmë është realitet edhe në Shqipëri.
Me ndryshimet e miratuara së fundmi, për herë të parë do të kemi targë të personalizuar, deri me 7 karaktere (numra ose germa) e cila për herë të parë do të jetë edhe e transferueshme nga mjeti në mjet (mbartja do të vlejë edhe për targat me përzgjedhje). Ky shërbim do të jetë me tarifa ekstra.
Të ardhurat ekstra nga këto shërbime do të shkojnë për modernizimin e DPSHTRR si edhe për projekte mbi kulturën automotive e Green, sektorin Retro, Automotoparkun e parë shqiptar dhe për aktivitete edukative mbi Sigurinë Rrugore!
Discussion about this post