Me argumentin se numri i qytetarëve që pajisen me patent po vjen gjithnjë e më shumë në rritje, DPSHTRR ka vendosur ndryshime ne aktin ligjor për testet që duhet të kalojnë të gjithë personat, të cilat aplikojnë për marrjen e lejes së drejtimit.
“Çdo vit rreth 100 mijë qytetarë rinovojnë lejedrejtimin! Nisur nga numri gjithnjë në rritje i përdoruesve të rrugës, ndryshimet në aktet ligjore shqiptare e direktivat europiane dhe nevoja për përditësim të drejtuesve të mjeteve rrugore, në rritje, DPSHTRR nga dhjetori 2021 (muaj me fluks të lartë aplikimesh edhe nga ardhja e shumë emigrantëve) do të nisë ofrimin e DETYRUAR të freskimit të njohurive dhe informacioneve më thelbësore mbi sigurinë rrugore, kujdesin ndaj fëmijëve e pasagjerëve në kabinë, vëmendjen ndaj pedaluesve e këmbësorëve, sjelljen në trafik e në zonat urbane, pikat e nxehta të rrezikut, orientime mbi masat e reja nga ndryshimet në Kodin Rrugor dhe Rregulloren e KRR (VKM153), risitë nga Automotorizimi Shqiptar, ARSH, Siguracionet, Policia Rrugore, Ndihma e Parë, bashkitë, importimi i mjeteve rrugore e detyrime/të drejta!”
Ndryshimi do të nisi nga dhjetori, ku do të bëhet e detyrueshme freskimi i njohurive të rregullave të qarkullimit rrugor, përmes një interviste apo apel-kujtese për historikun e masave/gjobave të marra nga personi.Arsyeja e hyrjes në fuqi të këtij akti ligjor pikërisht në muajin dhjetor vjen bazuar në rritjen e numrit të aplikantëve gjatë kësaj periudhe, ku përfshihen dhe emigrantët.
“Një broshurë me detyrimin e njohjes dhe nënshkrimin e marrjes dijeni, falas (që do të publikohet edhe online), përgatitur nga profesionistë të fushës, një intervistë e shkurtër verifikuese dhe një apel-kujtesë për historikun e masave/gjobave të marra nga personi, do të jenë RISIA e këtij fundviti për të gjithë aplikantët që do të rinovojnë, dublikojnë apo do t’u rilëshohet lejedrejtimi pranë sporteleve të DPSHTRR!”
Discussion about this post