Dramë në Birmingham, Aston Villa barazon Liverpool-in në fund

Aston Villa-Liverpool ndajnë pikët në takimin e javës së 37-të të Premier League që u mbyll me barazimin 3-3.

Sfida e luajtur në “Villa Park” rezultoi shumë e luftuar, ndërsa u zhbllokua në minutën e 2’ pas një autogoli të portierit Martinez që u dha avantazhin “The Reds”.

Ndërkohë në minutën e 12’ Tielemans gjeti rrugën drejt rrjetës dhe u dha barazimin vendasve.

Fraksioni hapës foli për miqtë, të cilët rigjetën avantazhin në minutën e 23’ me Gakpo.

Në nisje të pjesë së dytë Liverpool gjeti sërish rrjetën, me Quansah që realizoi golin e tretë për skuadrën e Jurgen Klopp.

Megjithatë Aston Villa e gjeti forcën për të reaguar dhe në minutën e 85’ Duran rihapi sfidën.

Vetëm tre minuta më pas Duran shënoi sërish dhe i dha barazimin ekipit të Emery, duke bërë që të dilnin me një pikë nga ky takim.

Pas raundit të 37-të Aston Villa renditet në vend të katërt me 68 pikë, teksa Liverpool në vend të tretë me 79 pikë.