Pas kalimit të drejtimit të bashkisë nga Dritan Leli tek Ermal Dredha, vlonjatët kanë rënë nga shiu në breshër. Ermali vetëm abuzon dhe “feston” me buxhetin e taksapaguesve. Këtë e ilustron më së miri tenderit i fundit nga Bashkia Vlorë.
Dredha ka firmosur më datë 26 tetor 2023 tenderin me objekt “Blerje pajisje, kinema, Pallati i Kulturës”. Konkretisht 60 milionë lekë do të shpenzohen për mikrofona dhe karrige dhe kondicionerë.
Epo i rregulloi Dredha problemet me plehrat që mbysin lagjet, rragët e shkatërruara, ndriçimin dhe tani i duhen mikrofona. Sigurisht që për kulturën duhet investuar, por minimalisht duhej të tregohej korrektësi me paratë e taksapaguesve.
Dredha, ashtu siç ka bërë në shumicën e prokurimeve, ka vepruar në kundërshtim me rregullat bazë të vendosura nga ligji “Për Prokurimet Publike”.
Në dokumentet e tenderi shohim se dy firma, ASI-2A CO” shpk dhe “Bajro Bros” sh.p.k kanë shfaqur interes, por kjo e fundit është lodhur kot, sepse Dredha e kishte paracaktuar fituesin. Kryetari e ka përjashtuar nga gara “Bajro Bros” sh.p.k dhe paratë i xhiroi pa konkurrencë firmës “ASI-2A CO” shpk.
Siç shihet në dokumentin më poshtë, për riskun e lartë të korrupsionit që ka kjo procedurë, Open Data e ka shënuar me “Flamur të kuq”.
”ASI-2A CO” në pronësi të Andrea Gjikonda dhe Astrit Gjikonda, është nga ato kompani që i ka rrjepur bashkitë me tenderat për ndriçime dhe foni, sidomos ato në jug. Në tre vitet e fundit kjo kompani ka përfituar 6.3 milionë euro përmes 305 transaksioneve të bëra për tenderua nga bashkitë në vend.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post