Koncensioni i Check Up-it, 130 milionë euro është një nga tenderat në fushën e shëndetësisë që po hetohet nga SPAK. Koncensioni mban dhe firmën e ish-ministrit Ilir Beqaj, i cili pak ditë më parë për gati 8 orë dha shpjegime para prokurorëve të SPAK lidhur me tenderat që ai ka firmosur, përfshi edhe atë të sterilizimit.
Ndërkohë që koncensioni i Check Up i është dhënë oligarkes së Shëndetësisë Vilma Nushi, edhe kjo një prej emrave të thirrur nga Prokurorët Special në hetimet që po kryejnë.
Nushi është urdhëruar të dorëzojë në SPAK të gjithë dokumentacionin që disponon për dosjen e koncesionit. Në mënyrë të paligjshme ajo i ka shitur burrit të mbesës 50% të koncesionit dhe pas denoncimeve në media e ka riblerë me 300 mijë euro nipi i saj Endrit Hido.
Nushi ka “avulluar”, teksa ka kuptuar se Kryeministri Edi Rama, do e lëshojë bashkë me ish-ministrin Ilir Beqaj.
Ajo nuk është paraqitur në SPAK dhe në zyrat e biznesit të saj kanë zbarkuar hetuesit e Byrosë Kombëtare të Hetimit për të sekuestruar dosjet.
Të shtunën, hetuesit kanë shkuar në zyrat e Nushit në Farkë, por aty nuk kanë gjetur askënd. Ndërkohë mësohet se afati që i është lënë oligarkes së shëndetësisë ishte dita e sotme.
Nuk dihet nëse Nushi ka depozituar në SPAK dosjet e kërkuara, apo ka nisur manovrat për të fituar kohë.
Discussion about this post