Kalimi te PSG-ja i Gianluigi Donnarummas duket se nuk ishte vendimi më i mirë i mundshëm. Portieri kampion i ‘Euro 2020’ është duke ngrohur stolin e rezervave.
Kjo ka bërë që ai të mendojë për një plan tjetër për të ardhmen, gjë e cila është zbuluar nga ‘Il Corriere Della Sera’.
Media italiane raporton se agjenti i gjigandit italian ka planifikuar ardhjen e portierit tek Juventusi në vitin 2022.
Nëse situata te PSG nuk ndryshon, do të hapen skenarë të rinj, ku portierin e kombëtares italiane mund ta shohim të veshë fanellën e “të urryerve” të kuqezinjve, Juventusit.
Agjenti i italianit, Mino Raiola, ka pranuar publikisht faktin se Donnarumma ka pasur oferta nga Juventusi, por ka përzgjedhur të qëndrojë në Milano. Duket se ditëve të besnikërisë së padiskutueshme u ka ardhur fund dhe Donnarumma është i detyruar të mendojë për rritjen e tij profesionale, si dhe për tituj të rinj./K.T/Gijotina.com
