Situata me Covid-19 në Kosovë po shkon drejt përmirësimit javët e fundit, ku ditën e djeshme nuk u raportua për asnjë viktimë.
Situata është e qetë edhe në spitale, ku sipas mediave vendase, vetëm 64 pacientë po marrim trajtim të specializuar në qendrat shëndetësore, 12 prej tyre janë qytetarë shqiptarë që po marrin trajtim në Spitalin e Përgjithshëm në Gjakovë.
Sipas njoftimit, 33 pacient janë me oksigjeno-terapi dhe 4 në mjekim intensiv në gjendje më të rënduar shëndetësore.
Kjo rënie e hospitalizimit vjen si pasojë e masave të reja anti-Covid që qëndrojnë në fuqi prej një jave në Kosovë, duke bërë të mundur përmirësimin e situatës.
Sipas masave të reja, orari i gastronomisë vazhdon deri në orën 23:00 por do të punojnë me masa kufizuese. Kufizimi i qarkullimit të qytetarëve do të vazhdoj të jetë nga ora 00:00 deri në ora 05:00.
Qeveria gjithashtu ndalon veprimtarinë e klubeve të natës si dhe organizimin e festivaleve, koncerteve, ekskursioneve, pelegrinazheve, dasmave, fejesave, ahengjeve familjare dhe shoqërore, në të gjithë territorin e Republikës së Kosovës.
