Dy drejtues automjetesh u arrestuan në flagrancë në Gjirokastër, duke drejtuar mjetet përkatëse në gjendje të dehur. Burimet bëjnë me dije se pas hekurave përfundoi personi me inicialet N. B., 64 vjeç, banues në Gjirokastër, pasi në lagjen “Kordhocë”, është kapur duke drejtuar automjetin tip “Opel”, në gjendje të dehur.
Po nga këto struktura u arrestua në flagrancë personi me inicialet E. M., 68 vjeç, banues në fshatin Mashkullorë, pasi në aksin rrugor Gjirokastër-Tepelenë, në afërsi të lagjes “Gërhot”, u kap duke drejtuar në gjendje të dehur, automjetin tip “Peugeot”.
Materialet në ngarkim të shtetasve të mësipërm i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme.
Discussion about this post