Drejtonin motorët pa targa dhe pa patentë, 3 të arrestuar

Janë arrestuar, 22-vjeçari me inicialet A.D, 28-vjeçari me inicialet E.T dhe 59-vjeçari me inicialet R.Gj, pasi janë kapur duke drejtuar pa leje drejtimi motomjete pa targa.

Njoftimi i Policisë: Specialistët e Trafikut Urban dhe Interurban të DVP Korçë arrestuan në flagrancë shtetasit:

1. D., 22 vjeç, banues në fshatin Pojan, Maliq, pasi u kap nga shërbimet e Policisë, në afërsi të fshatit Pojan, duke drejtuar pa leje drejtimi, një motomjet pa targa dhe pa dokumentacionin përkatës;
2. T., 28 vjeç, banues në Libonik, Maliq, pasi u kap në afërsi të fshatit Libonik, duke drejtuar pa leje drejtimi, një motomjet pa targa;
3. Gj., 59 vjeç, banues në fshatin Klocë, Maliq, pasi u kap në afërsi të fshatit Vashtëmi, Maliq, duke drejtuar pa leje drejtimi, një motomjet pa targa;

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.