Uniformat blu në Shkodër kanë vënë në pranga një 45- vjeçar pasi akuzohet se është kapur duke drejtuar automjetin, në gjendje të dehur, është përplasur me një automjet tjetër, duke shkaktuar vetëm dëme materiale.
Bëhet fjalë për të arrestuarin e identifikuar me iniciale A. Sh., 45 vjeç, banues në Shkodër, i cili pritet të përballet me akuzën për veprën penale “Shkelja e rregullave të qarkullimit rrugor”. Ndërsa, materialet i kaluan Prokurorisë pranë Gjykatës së Shkallës së Parë Shkodër.
Theksojmë se numri i aksidenteve edhe këtë fund muaj janë rritur, kjo për shkak të mos angazhimit nga ana e forcave policore për të ndëshkuar “shoferët e pabindur”. Sakaq këta të fundit vazhdojnë të shkelin sinjalistikat rrugore, duke shkaktuar aksidente me rrezik për jetën e këmbësorëve.
