Drejtorë policie nën verifikim nga SPAK/ Çfarë është zbuluar nga…

Mbi 300 efektivë të policisë janë nën monitorin e Prokurorisë së Posaçme ku tashmë po verifikohen per lidhje te mundshme me boten e krimit.

Sipas Vizion+, SPAK po heton disa drejtues të lartë të Policisë, pasi emri i tyre ka dalë në përgjime, si të dyshuar se mbanin lidhje dhe kontakte me personazhe të krimit.

Madje, referuar burimeve, paralajmërohet se disa prej tyre pritet që në ditët në vijim të merren në pyetje nga hetuesit e SPAK dhe Byrosë Kombëtare të Hetimit.

SPAK ka arritur që të sigurojë edhe biseda ku shefa komisariatesh flasin për pagesat fikse mujore qe merrnin nga bandat e krimit.

Kanë qënë agjensite ligjzbatuese ndërkombëtare, policia belge dhe ajo franceze që kanë sjellë transkriptime të shumta pas zbërthimit të aplikacioneve CriptoChat dhe Sky, programe të koduara që përdoren nga eskponentet e krimit.

Në këto transkriptime kanë dalë edhe zyrtarë, kryebashkiakë apo edhe drejtues bankash të nivelit të dyte. Të njëjtat burime shprehen se janë fiksuar edhe biseda ku flitej për të siguruar doza të lëndëve narkotike, raporton Vizion+.

SPAK është në procesin e verifikimeve dhe nuk dihet ende se cilët do të jenë personat që do të përfshihen në këto hetime.