Drejtori i OBSH në Shqipëri, Gerald Rockensburg, në një intervistë për media ka thënë thotë se qytetarët nuk regjistrohen si të prekur me Covid, situatë kjo e njëjtë edhe për vende të tjera dhe kjo bën që shifrat reale të mos përputhen me atë të Ministrisë së Shëndetësisë.
“Nuk është vetëm për Shqipërinë, por shumë vende janë hasur me problematikën e mos-raportimeve të shifrave të Covid. Kjo ndodh edhe se qytetarët nuk regjistrohen ën strukturat shëndetësore. Në lidhje me shifrat duhet të bëhen studime më të detajuara dhe kjo po vazhdon në disa vende të botës, por mos harrojmë se Instituti i statistikave raportoi shifra të shtuara vdekjesh për 2020-ën të cilat janë si pasojë e Covid. Ne na duhen studime të mirëfillta,” tha ai.
Drejtori i OBSH për vendin tonë apelon qytetarët të vaksinohen kundër Covid-19.
“Vaksina Sinovac po ofron një mbrojtje shumë të mirë për popullatën ndaj është një vaksinë e sigurt dhe e efektshme. Fakti që disa shtete nuk e njohin është një vendim individual i tyre, por ne po punojmë për të garantuar njohjen e tyre. Vaksina kineze është miratuar për përdorimin emergjent dhe është aprovuar edhe nga OBSH,” – shtoi Rockensburg.
Deri në fund të këtij viti organizata botërore e shëndetit pret që rreth 40% e shqiptarëve të vaksinohen, ndërsa në mesin e viti të ardhshëm të jenë imunizua rreth 70% e popullatës.
