Në një komunikim të zhvilluar ditën e sotme Policia e Shkodrës ka dhënë detaje lidhur me operacionet e zhvilluar kundër trafikimit të narkotikëve. Njoftohet se Lorenc Treshi u arrestua për kultivim të lëndëve narkotike.
Gjithashtu Dedë dhe Anton Laca, babë e bir u arrestuar pasi u kishin kthyer banesën në një shtëpi bari. Në hetim ndodhen kryeplaku, elektricisti.
“Mbështetur nga informacionet e monitorimit gjatë këtij viti 158 mijë bimë narkotike të kultivuar në terren. Janë arrestuar proceduar 74 persona. Shërbimet e policisë kanë vijuar punë. Kontrollet do të vazhdojnë, Ka përfunduar faza e kontrolleve në gjendje të hapura, tani do të vijojmë kontrollet e mbyllura. Në kemi të gjitha kapacitetet profesionale për të reaguar me të gjithë forcën e ligjeve. Gjithashtu bashkëpunimi në shkolla ka vazhduar dhe do të vazhdojë. Prezenca policore është çdo ditë në ambientet e shkollave. Jam optimist për punën e policisë për të arritur rezultate në luftën e krimin në këtë qark”, tha ndër të tjera drejtori i policisë së Shkodrës.
Strukturat e Drejtorisë Vendore të Policisë Shkodër vijojnë operacionet e njëpasnjëshme për goditjen e tentativave për kultivim të bimëve narkotike, në terrene të hapura ose në ambiente të mbyllura.
Pas përfundimit të kontrollit të territorit, për evidentimin dhe goditjen e rasteve të kultivimit të bimëve narkotike, me përdorimin e dhjetëra dronëve të cilësisë së lartë, mbështetur nga Drejtoria e Përgjithshme e Policisë së Shtetit, nga informacionet prej monitorimit ajror të GDF-së dhe nga informacionet e siguruara nga inteligjenca policore, gjatë këtij viti, u asgjësuan 158 621 bimë narkotike të kultivuara në tokë dhe 41 883 fidanë të kultivuar në kubikë, të cilët janë konstatuar që në fazën fillestare. Për këto raste janë arrestuar dhe proceduar penalisht 74 autorë.
Discussion about this post