Drejtori i spitalit të Lushnjës, Roland Ziu është i dyshuar për blerje votash. Policia e qarkut të Fierit bëri të ditur janë referuan materialet në prokurori për veprën penale “Korrupsion aktiv në zgjedhje”. Ziu është kallëzuar nga një 43 vjeçar se i ka dhënë shuma parash disa shtetasve, me qëllim blerjen e votave në favor të një subjekti politik. Roland Ziu, drejtori i spitalit të Fier është njëherësh kryetar i PS-në Kolonjë të Lushnjës.
“Specialistët për Hetimin e Krimeve të Komisariatit të Policisë Lushnjë referuan materialet në Prokurori, për veprën penale “Korrupsion aktiv në zgjedhje”, pasi ka kallëzuar shtetasi F. P., 43 vjeç, se shtetasi R. Z., 57 vjeç, banues në fshatin Rrapëz, kryetar i një subjekti politik në Kolonjë, i ka dhënë shuma parash disa shtetasve, me qëllim blerjen e votave në favor të një subjekti politik”, informoi sot policia.
Materialet procedurale iu referuan SPAK-ut për veprime të mëtejshme.
gijotina.com/
Discussion about this post