Drejtoria e Përgjithshme e Objekteve Publike Tiranë do të ndërrojë sistemin ngrohës. Drejtori Olsi Isufaj, me lejen e shef Veliajt, ka hapur një tender me objekt ‘Furnizim vendosje kaldaje’ me vlerë 325 milionë lekë.
Në dokumente nuk tregohet se ku do të vendosen këto kaladaje, edhe pse nuk është çudi që Isufaj të ndërrojë ato në zyrat e drejtorisë që ai menaxhon.
Sipas të dhënave, do të ndërrohen 10 kaldaje dhe pjesa tjetër e shpenzimeve shkon për aksesorët plotësues. Sipas çmimeve në treg, blerja e një kaldaje me naftë mund të shkojë deri në 1000 euro deri në më të shtrenjtat 20 000 euro, por sërish blerja e 10 të tillave nuk justifikon fondin limit prej 335 milionë lekësh që ka lënë në dispozicion drejtori i Veliajt.
Këtu i shtohet një tjetër paqartësi tenderit të Isufajt, pas fakti që nuk dihet se cilat zyra kanë nevojë për kaldaje të reja dhe nëne në të vërtetë do të blihen këto pajisje.
Ndërsa situata duket edhe më keq kur shohim që në krye të kësaj kontratë tundet ‘Flamuri i Kuq’. Gara për këtë tender është lënë një muaj hapur dhe më datë 2 shtator është mbajtur procedura. Më saktë, më datë 2 është vulosur afera.
Në dokumente duket që vetëm bashkimi i operatorëve ONI SHPK – CARA SHPK kanë dorëzuar një ofertë me vlerë rreth 300 milionë lekë. Një ofertë që duhej marrë në konsideratë, por në rastin konkret nuk kishte asnjë vlerë.
Për shkak se ka mungesë konkurrence dhe për të tilla raste ligji kërkon anulimin e procedurave. Por, për aq kohë sa shef Veliaj ka dhënë miratimin edhe Isufaj ka vazhduar planin e tij, duke firmosur kontratën më bashkimin e operatorëve, që sigurisht në përfundim kanë kthyer një përqindje tek xhepi Veliajt.
Kështu për mungesë konkurrence, si një risk i lart për buxhetin e bashkisë, Open Data Albania e cilëson këtë kontratë të paligjshme. Ndërsa tani mbetet KPP-së dhe APP-së të shqyrtojnë dokumentet, ku me patjetër duhet të kërkojnë llogari se ku nevojiten ndërrimi kaldajave dhe të anulojë procedurën e zhvilluar pa garë!
Discussion about this post