Drejtori i Përgjithshëm i Policisë së Shtetit, Gledis Nano, pas katër vitesh bllokim ka hapur konkursin për gradat “drejtues i parë” dhe “drejtues”. Ky proces ishte bllokuar dhe rikthehet pas 4 vitesh. Sipas dokumenteve të siguruar nga mediat janë 58 funksione të cilët ftohen të interesuarit të aplikojnë për të fituar gradën.
Aplikimet janë të hapura prej datës 30 nëntor dhe aplikimet do të pranohem deri më datë 18 dhjetor. Konkursi për gradën do të ketë 18 grada drejtues i parë dhe 40 grada drejtues. Procesi ne fjalë i hapë rrugë të rinjve e të rejave në Policinë e Shtetit për të bërë karrierë nëpërmjet meritokracisë.
Kandidatët duhet të përmbushin këto kritere: Të ketë vlerësim të aftësive individuale të punës, jo më ulët se 70% të vlerësimit, gjatë kohës së qëndrimit në gradë; të jetë parashkruar masa disiplinore për shkelje të rëndë; të përmbushë kriterët për pozicionin e punës dhe të ketë përfunduar arsimin e lartë; të mos ketë filluar ndaj tij procedimi penal; të mos ketë procedim disiplinor etj.
Ligjit për Policinë e Shtetit, thotë se çdo fillim viti është Drejtori i Përgjithshëm i Policisë ai që hap konkursin për gradat.
“Çdo vit evidentohen nevojat për çdo gradë për vitin pasardhës. Drejtori i Policisë së Shtetit, në varësi të nevojave dhe prioriteteve, miraton urdhrin për fillimin e fazës së aplikimeve për fitimin e gradës respektive. Fitimi i gradës bëhet vetëm për të plotësuar vendet e lira për çdo gradë dhe vetëm për gradën pasardhëse” – thotë ligji.
Me vendime gjykate, pak muaj më parë, pas më shumë se një dekade Gjykata e Lartë hoqi përfundimisht praktikën e fitimit të gradave në policinë e shtetit, nga nënkomisar deri në nivelin Drejtues i Parë. Sipas Gjykatës së Lartë, askush nuk mund të fitojë një gradë pa ju nënshtruar më parë konkursit me komisionin e ngritur nga policia e shtetit.
“Në vijim të përfundimit njësues Kolegji vlerëson se plotësimi i kriterit të ushtrimit të funksionit të kërkuar për gradën e pretenduar dhe vjetërsisë në gradë, nuk mund të sjell përfitimin gjyqësisht të gradës policore të pretenduar, pa iu nënshtruar procedurës së konkurrimit vlerësues nga komisioni i gradimit, në përputhje me parashikimet e ligjit nr. 108/2014” – thuhet në pikën 66 të vendimit.
Prej kohësh gradat në policinë e shtetit fitoheshin me konkurs dhe praktikë gjyqësorë, ndërsa nga kjo e hënë, 2 gusht 2021, askush nuk mund të fitojë më një gradë në polici pa konkurs.
Discussion about this post