Vetëm në tre muajt e parë të vitit policia e Bashkisë Tiranë ka vendosur rreth 87,565 gjoba për shkelje të sinjalistikës rrugore dhe parkim të gabuar, që më një përllogaritje të thjeshtë del mesatarisht 973 gjoba në ditë. Konkretisht për muajin janar të këtij viti janë vendosur 43,237 gjoba, në muajin shkurt janë vendosur 39,855 gjoba dhe në mars 4,473 gjoba.
Sipas të dhënave të publikuar nga Open Data Tiranë, rezulton se numri më i lartë i gjobave është vendosur në zonën e ”Tiranës së Re” me afro 4,300 gjoba gjithsej, ku sipas periudhës rezulton se në muajin janar u vendosën 1,680 gjoba, në shkurt 24% më pak se në janar dhe në mars 6% më shumë se në shkurt. Në radhë ndjek zona e ”21-Dhjetorit” me afro 2,500 gjoba të vendosura vetëm në tre muajt e parë të vitit, ku numri më i lartë i gjobave është vendosur në muajin janar, ndërsa në muajit pasardhës ky numër shfaqet më i reduktuar.
Zonat ”Qytet Studenti”, “Kinostudio” dhe ” Ish Kinema 17 Nëntori” po ashtu rezultojnë me një numër të lartë gjobash të qarkullimit rrugor gjatë periudhës janar- mars 2024. Në zonën e ”Qytet Studentit” janë vendosur gjithsej 1,980, në zonën e ”Ish Kinemasë 17 Nëntori” janë vendosur 1,277 gjoba në vetëm 3 muaj, ndërsa në zonën e ”Kombinatit” janë gjobitur 1,250 drejtues automjetesh. Ndërkohë, në zonat si : “Kombinat “, Myslym Shyr” dhe “Selvia” janë vendosur më pak gjoba. Numri i tyre varion nga 955 gjoba të vendosura në zonën “Selvia” dhe 98 gjoba të vendosura në zonën e “Kombinatit”. Në të kundërt, në zonën e Farkës, numri i gjobave të vendosur në këto tre muaj është thuajse i papërfillshëm në krahasim me totalin. Në Farkë u gjobitën vetëm 19 drejtues automjetesh.
Discussion about this post