Moderatori Drini Zeqo u largua sot nga shtëpia e Big Brother Vip3 në mënyrë të papritur, ndërsa mbeten ende mister motivet. Zeqo përmes një mesazhi i uronte banorëve suksese të mëtejshme në lojën që nisi 4 ditë më parë.
Largimi i Drinit nga BB VIP3 duket se nuk është pritur mirë nga banorët, një pjesë e të cilëve edhe janë përlotur.
Ilnisa dhe Romeo duket se e kanë përjetuar më keq largimin e moderaorit nga spektakli, ndërsa Roza ngriti dyshime se ai edhe mund të rikthehej.
Pjesë nga diskutimi:
Juli: Unë tani e lexova edhe vetë, nuk e dija këtë gjë.
Roza: Mbase edhe kthehet?!
Sara: Joo, u largua me të vërtetë…
Juli: Nuk e di arsyen. Këtu thotë thjesht që “Drini ju uron suksese në vazhdim”.
Romeo: Sa gjynah o plak…
Roza: Drini ishte një element shumë shumë i veçantë në mozaikun e Big Brother. Ishte një gur i pazëvendësueshëm.
Romeo: Sa gjynah o plak, sa gjynah o plak…
Gabrieli: Hajde ishalla ka e diçka kalimtare.
Roza: Edhe sot i thash që me karakterin dhe sjelljen që ka të frymëzojë brezat në të ardhmen sepse xhentilesa dhe xhentëllmenllëku i tij është për t’u marrë shembull.
Gazi: Ishalla kthehet Drini…
Roza: Kush e di, do t’i ketë ndonjë familjar rast urgjence.
Dea: Po t’i pse prekesh kaq kollaj, forca bëhu e fortë.
Ilnisa duke qarë: Drini ishte shoku im.
Alfio: Ne kemi dy orë që themi ‘ku është Drini, ku është Drini’.
Discussion about this post