Kompania “Trema Engineering 2”, me pronar fundor Oleg Deripaska, një ndër oligarkët rus pranë Vladimir Putinit, ka fituar miliarda lekë nga projektet e Rindërtimit dhe nga Dritan Agolli i Fondit Shqiptar të Zhvillimit. Të dhënat zyrtare tregojnë se institucionet shqiptare janë treguar shumë bujare me miliarderin rus. I cili u zbulua si një nga “punëdhënësit” në hije të ish-agjentit të lartë të FBI-së amerikane, Charles McGonigal. Që nga ana e tij është mik me kryeministrin Edi Rama.
Kompania e regjistruar në Shqipëri, “Trema Engieenering 2” prej shumë vitesh është në pronësi të një shoqërie austriake, “Strabag AG” dhe kjo e fundit ka qenë të paktën deri në mesin e vitit 2022 nën kontrollin e plotë të Oleg Deripaska, një biznesmen rus i sanksionuar nga Departamenti Amerikan i Thesarit.
Rindërtimi
Kompania “Trema Engineering 2” rezulton të jetë fituese e një tenderi të zhvilluar nga Fondi Shqiptar i Zhvillimit, në kuadër të procesit të Rindërtimit. Tenderi është zhvilluar në Prill të vitit 2020 dhe objekt i procedurës ishte “Ndërtimi i rrjetit rrugor dhe infrastruktor të Bashkisë Shijak”.
Fondi në dispozicion të kësaj procedurë ishte rreth 2 miliardë lekë të vjetra.
Në tender rezulton se kanë marrë pjesë mbi 20 operatorë ekonomikë. Në përfundim, Fondi Shqiptar i Zhvillimit shpalli fitues shoqërinë “Trema Engineering 2”, e cila paraqiti ofertën 1.96 miliardë lekë të vjetra. Duke konsultuar dokumentat e tenderit, rezulton se kompania fituese nuk ka paraqitur ofertën më të ulët.
Miliarda të tjera nga Fondi
Në Prill të vitit 2021, kompania me pronar fundor oligarkun rus, Deripaska, ka fituar një tjetër tender të zhvilluar nga Fondi Shqiptar i Zhvillimit. Kësaj radhe me procedurë normale. Objekti i tenderit ishte “Rikonstruksioni i segmentit rrugor hyrja Peshkëpi-Selenicë”, me fond limit 7.5 miliardë lekë të vjetra.
Në tender kanë marrë pjesë 15 operatorë ekonomikë. Në përfundim, institucioni i drejtuar nga Dritan Agolli, ka shpallur fitues kompaninë “Trema Engineering” dhe “Elmazaj Construction”. Të cilët kanë paraqitur ofertën 3.68 miliardë lekë të vjetra. Sërish Fondi ka shpallur fitues kompaninë “Trema Engineering” në një procedurë tjetër tenderuese, për “rikonstruksionin e rrjetit të ujësjellësit Devoll, Korçë, Përrenjas.
Fondi në dispozicion të këtij tenderi ishte 10.3 milionë euro. Në garë kanë marrë pjesë dy operatorë ekonomikë.
Njëri operator ka paraqitur ofertën 8.1 milionë euro. Por, Fondi Shqiptar i Zhvillimit e ka skualifikuar, duke shpallur fitues “Trema Engineering 2”. E cila ka paraqitur një ofertë rreth 2 milionë euro më shumë se sa konkurrenti tjetër, saktësisht 10.1 milionë euro.
Lexo edhe: Dritan Agolli, 320 mln lekë Agron Papulit për makina elektrike
Discussion about this post