Kryetari i Bashkisë së Vlorës Dritan Leli ka vendosur të luajë me durimin e kryeministrit Edi Rama duke u shfaqur në Kongresin e PS që po mban punimet që prej orës 9:30 të mëngjesit dhe pritet të mbyllet në orën 15:00.
Leli, të cilin kryeministri Edi Rama e ka shpallur “non grata”, duket se ka vendosur të sfidojë kreun e qeverisë dhe është shfaqur në Kongres.
Përplasjet mes Lelit dhe Ramës lindën në momentin që kreu i bashkisë së Vlorës nuk pranoi të dorëhiqej nga posti që ka për të kandiduar si deputet në zgjedhjet e 25 prillit të vitit të kaluar, çfarë ndryshoi katërcipërisht relatat mes tyre.
Discussion about this post