Dritare e xhama të thyer, sulmohet xhamia në Lushnjë, policia në kërkim të autorit

Sulmohet xhamia në Lushnjë. Disa persona të paidentifikuar kanë sulmuar me sende të forta xhaminë në qytetin e Lushnjës. Sipas në njoftimit nga policia, kallëzimi për këtë incident është bërë nga myftiu,

Gramoz Blliku, ndërsa policia ka nisur një hetim.

Imami i Xhamisë ka deklaruar se  ka shkuar në mëngjes ka parë dritaren dhe xhamat e thyer të godinës ku besimtarët u luten Zotit.

“Po nga këto struktura po punohet për identifikimin dhe kapjen e autorëve pasi drejtuesi i Myftinisë Lushnjë, shtetasi G. B., 44 vjeç ka bërë kallëzim se persona të paidentifikuar kanë thyer dritaren e Xhamisë. Materialet i kaluan Prokurorisë pranë Gjykatës së Shkallës së Parë Lushnjë për veprime të mëtejshme”, njofton policia.

Policia është duke hetuar për identifikimin e autorëve dhe shkakun e kësaj ngjarjeje.