Për të pestin vit radhazi fermerët e Rromsit në Mallakastër janë duke u përballur me vështirësi pasi në mungesë të tregut prodhimet u kanë mbetur stok në magazinat e tyre.
Sasi të mëdha të vajit të ullirit, elbit, grurit, lajthisë kanë mbetur pa u shitur për shkak të çmimit nën kosto. Në kulmin e indinjatës, fermerët thonë se ky është viti më i vështirë, me humbje të mëdha financiare.
Përparim Mucaj pohon për Report Tv se në magazinën e tij kanë mbetur stok 5 tonë vaj, 5 tonë grurë nga prodhimi i sezonit të kaluar dhe 1 tonë elb. Ndërsa një sipërfaqe prej tre dynym me vreshta është detyruar ta presë pasi qindra litra raki mbeti pa shitur.
“I shesim prodhimet me gjysmë çmimi tregon fermeri Muçaj, ndërkohë që nuk ka aplikuar asnjëherë për subvencione për shkak të burokracive të shumta, ndihmë të cilën gjithsesi e konsideron minimale përballë kostove të larta të prodhimit”, tha ai.
Ndërkohë, fermeri Ismet Mecaj, tregon se sot ka 10 kuintal lajthi në magazinë sepse çmimi në treg është tejet i ulët, vetëm 200 lekë për kg.
‘Nëse vazhdohet me këtë situatë dhe shteti nuk do na vijë në ndihmë do ti pres fare 610 rrënjë lajthitë‘, ka thënë ai pasi është mund i çuar dëm.
Përballë kësaj situate fermerët kanë apeluar njëzëri që të hapet një pikë grumbullimi në Mallakastër dhe mbi të gjitha Qeveria ti mbështesë me subvencione.
Edhe pse një zonë e njohur për prodhimin e ullirit, lajthisë e rrushit, Rromsi është prekur nga shpopullimi. Dikur numëronte 1500 banorë ndërsa sot kanë mbetur vetëm 300 për shkak të emigrimit masiv. Veç të tjerash është zonë me reliev piktoresk e natyrë mahnitëse me potencial për t’u kthyer në destinacion turistik.
Discussion about this post