Tirana rikthen Partizanin në -5 me një sukses shumë të djersitur kundër Kastriotit, të arritur vetëm në minutën e 89 të sfidës së luajtur në Elbasan.
Kampionët në fuqi nuk arritën të shënonin deri 1 minutë nga fundi i kohës së rregullt me Hilën që shtyu topin me kokë përtej vijës fatale për t’i dhënë oksigjen skuadrës së Orges Shehit.
Sukeses jetik në garën për titullin pasi tashmë Tirana do të shkojë me 5 pikë diferencë në sfidën me Kukësin dhe nëse do të ketë të njëjtën distancë edhe pas javës tjetër, në derbin e kryeqytetit ka mundësi të vrasë përfundimisht rivalin e të njëjtit qytet me një fitore ose me një barazim.
Në krahun tjetër, Kastrioti mbetet në fundin e klasifikimit dhe hedh një hap tjetër drejt rikthimit në të Parën.
Discussion about this post