Tre shqiptarë dhe dy ukrainas u arrestuan ditën e djeshme pas një operacioni të përbashkët të Guardia di Finanza me policisë e Vlorës. Një tjetër është shpallur në kërkim.
1 ton marijuanë, që po shkëmbehej në det të hapur u sekuestrua në vendin e quajtur Gjiri i Arushës. Lidhur e operacionin ka reaguar kryedemokrati Sali Berisha i cili akuzon Ministrin Bledi Çuçi duke u shprehur se droga është dërguar nga ai.
“1 ton drogë kapet në Itali, e dërguar nga shoqata e velistit të qeverisë, ministrit të familjes Çuçi. Tani preferohen jahtet me vela për trafiqe të sigurta”, shprehet Berisha.
Guardia di Finanza ka nxjerrë pamjet e drogës së sekuestruar dhe bën me dije se nëse do të hidhej në treg do të arrinte vlerën e 10 milionë eurove.
Discussion about this post