Katër persona kanë rënë në prangat e policisë së Kukësit pasi akuzohen për “Prodhimi dhe shitja e narkotikëve” dhe “Mbajtja pa leje e armëve luftarake dhe e municionit”. Sipas njoftimit, janë arrestuar Besmir Mustavataj, Besnik Mustavataj, Armond Pepkolaj dhe Kristjan Pepkolaj.
Këta persona u kapën në flagrancë nga shërbimet e Policisë, në aksin rrugor Bajram Curri- Tropojë, në kryqëzimin e fshatit Sopot, duke lëvizur me automjetet tip “Volkswagen” dhe “Benz”.
Gjatë kontrollit të ushtruar në automjete, Policia gjeti dhe sekuestroi në cilësinë e provës materiale 33 kg lëndë narkotike e dyshuar kanabis e paketuar në qese, 3 armë zjarri ( 1 automatik, 1 mitroloz i lehtë dhe një pistoletë tip Ecol), 900 euro, dhe dy automjetet tip “Volkswagen” dhe “Benz”.
Të arrestuarve iu janë sekuestruar 3 armë zjarri, 1 automatik, 1 mitroloz i lehtë dhe një pistoletë ECOL, municion luftarak dhe 33 kg lëndë narkotike kanabis.
Discussion about this post