Policia e Kukësit në bashkëpunim me RENEA-n dhe Prokurorinë kanë ndërmarrë opercionin “Vila” për goditjen e veprimtarisë kriminale në fushën e shpërndarjes së lëndëve narkotike dhe të ushtrimit të paligjshëm të lojërave të fatit.
Në kuadër të këtij operacioni u arrestua Besmir Sulaj, 35 vjeç, me precedent penal të mëparshëm në fushën e narkotikëve, i dyshuar si organizator i shpërndarjes së drogave të forta dhe ushtrimit të paligjshëm të lojrave të fatit.
Po ashtu, u shpall në kërkim Fation Elezaj, 34 vjeç, me precedent të mëparshëm penal në fushën e narkotikëve, i dyshuar për ushtrim pa licencë të lojërave të fatit, përshtatje të lokalit për përdorim droge dhe prodhim e shitje të narkotikëve.
Ndërkohë, janë proceduar në gjendje të lirë dhe 7 shtetas, për moskallëzim krimi.
