Siguria në burgje vijon të jetë problematike.
Katër grupe të forcave speciale mbërritën brenda ambienteve të sigurisë së lartë të burgut të Peqinit.
Mësohet se një dron në fluturim është konstatuar brenda burgut.
Droni ose dronët (ende nuk dihet sa janë), që kanë hedhur dy telefona ‘Iphonë’, 8 fisha karikuesi, tridhjetë e tre doza të dyshuara lëndë narkotike kokainë, rreth 210 gram e ndarë në doza të vogla, lëndë e dyshuar si kanabis, janë zbuluar nga kullat më të larta të vrojtimit që kanë dhënë alarmin.
Aktualisht po kontrollohet ambienti. Drejtori i Përgjithshëm i Burgjeve, Klevis Qose ka urdhëruat gatishmëri dhe kontrolle të rrepta në qeli.
Drejtori i përgjithshëm i Burgjeve ka shkuar në Peqin, ndërsa policia lokale po kryen kontrolle për dronin.
Kanë qenë policët e rrethimit të jashtëm që kanë dëgjuar zhurmën e dronit dhe kanë dhënë alarmim.
Lidhur me rastin e fundit ende nuk ka një reagim zyrtar për këtë ngjarje, ndërsa është kaluar në gatishmëri në të gjitha IEVP .
Ky është droni i dytë brenda pak ditësht pas atij të burgut të sigurisë së lartë në Burrel.
Discussion about this post