Policia në Tepelenë ka goditur dy raste të veprimtarisë kriminale në fushën e narkotikëve. Si rezultat i këtij operacioni, kanë rënë në pranga dy persona, Aliosha Hasani, 32 vjeç dhe Amarido Xhezaj 31 vjeç, banues në fshatin Dhëmblan, Tepelenë.
Arrestimi i këtyre personave u bë pasi gjatë kontrollit fizik dhe kontrollit të ushtruar në banesat e tyre, u gjetën një sasi lënde e dyshuar cannabis sativa, një armë gjahu pa leje, fishekë të armës së gjahut, një bimë e dyshuar narkotike cannabis sativa, e mbjellë në vazo, dhe një sasi fishekësh luftarakë, të cilat u sekuestruan në cilësinë e provës materiale.
Materialet në ngarkim të shtetasve të mësipërm i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme.
Discussion about this post