Gjykata e Vlorës ka caktuar masat e sigurisë për tre shtetasit e ndaluar gjatë operacionit të kryer në Bishan të Vlorës, ku u sekuestruan rreth 5 mijë bimë kanabisi si edhe dy armë automatike dhe një armë gjahu.
Mësohet se është vendosur masa “Arrest në burg” për Skënder Llanaj, ndërsa për djalin e tij Danielo Llanaj është vendosur “Detyrim paraqitje”.
Theksohet se për Durim Murataj është vendosur lirim i menjëhershëm.
Lidhur me këtë ngjarje është proceduar penalisht kryeplaku i fshatit si edhe tre efektivë të policisë.
Discussion about this post