Kompania turke, Baykar planifikon të fillojë prodhimin e dronëve luftarakë Bayraktar TB2 dhe Bayraktar Akinci në Ukrainë në vitin 2025.
Kështu së paku ka deklaruar CEO i kompanisë turke, Haluk Bayraktar, i cili ka dhënë edhe disa detaje rreth projektit.
“Ndërtimi në Avia Ventures LLC, njësia lokale e Baykar (në Ukrainë), po vazhdon sipas planit dhe hapja e biznesit është planifikuar për vitin 2025”, tha ai.
Kreu i kompanisë përmendi se pjesa kryesore e punës përgatitore në fabrikë tashmë është duke u zhvilluar.
Sipas tij, pritet që termocentrali të elektrizohet në muajin korrik të këtij viti, raportojnë mediat turke.
Në gusht të vitit të kaluar u bë e ditur për fillimin e ndërtimit të fabrikës për prodhimin e dronëve turke Bayraktar në Ukrainë.
Ambasadori ukrainas në Turqi, Vasiliy Bodnar, tha se ndërtimi do të zgjasë disa muaj dhe se prodhimi do të fillojë para fundit të vitit 2023.
Discussion about this post